Varian Fry
Varian Mackey Fry (15 d'octòbre de 1907, New York - 13 de setembre de 1967, Redding) foguèt un jornalista estatsunidenc famós per aver ajudat la fugida fòra de França e d'Euròpa de 2 000 a 4 000 judieus e intellectuaus antinazis durant la Segonda Guèrra Mondiala.
Testimòni de la barbariá nazia en Alemanha tre 1935, organizèt un ret d'evacuacion en Marselha après la desfacha francesa de 1940. Arribat lo 14 d'aost, demorèt 13 mes dins la Ciutat Focèa e obtenguèt l'ajuda dau vice-cònsol estatsunidenc Hiram Bingham IV qu'acceptèt de deliurar de passapòrts a cada persona recomandada per Fry. Aquò entraïnèt lo maucontentament deis autoritats de Vichy e Varian Fry deguèt quitar França lo 16 de setembre de 1941. Rintrat dins son país, assaièt de sensibilizar l'opinion publica au genocidi dei judieus menat per leis Alemands.
Per son accion, recebèt la Legion d'Onor (1967), la Medalha de la Resisténcia francesa e lo títol de Just entre lei Nacions (1995).[1]
Liames intèrnes
[modificar | Modificar lo còdi]Bibliografia
[modificar | Modificar lo còdi]Nòtas e referéncias
[modificar | Modificar lo còdi]- ↑ Varian Fry - Yad Vashem (en)