Utilizaire:Ogi Maixant/Union Esportiua Bossòst

Ogi Maixant/Union Esportiua Bossòst
Donadas

Era Union Esportiua Bossòst ei ua equipa de fotbòl dera Val d'Aran que jògue ena competicion francesa. Era equipa jògue ena municipalitat de Bossòst, ua vila plaçada en terçon de Quate Lòcs, ath cant der arriu Garona.

Era U.E. Bossòst siguec fondada entre 1920 e 1927 (non se pòt precisar era data), a tostemp jogat en França de dempús que se fondèc pera sia proximitat geografica e sociau.

Non a cap de patrocinador, se finance damb es quòtas des sòns aproximadament 160 sòcis e damb ajudes deth Conselh General d'Aran. Tanben damb era venta de numèros de loteria.

Copa de França

Ei era equipa principau dera Val d'Aran, sustot dempús dera desaparicion deth Viella Club de Fútbol (de Vielha). Jòguen ena categoria dera division Excellence –er equivalent ara tresau catalana–, jòguen tanben ena Copa de França, la competicion de mès pes dera sason, de hèt poderien autanplan arribar tara finau, mès normaument non passen dera dusau o tresau eliminatòria. An jamès jogat contra ua equipa dera division professionau.

Ua des diferéncies principaus deth club ei era diversitat de lengües que se parlen en vestiari deth Bossòst –aranés, castelhan, catalan–, en tot qu'enes equipes rivaus s'i parle sonque francés.

Jògue tanben era Copa de Comenge, un torneg que jòguen es clubs des divisions dera region de Comenge, a on era U.E. Bossòst jògue de dempús des ans vint. Era Bossòst a ganhat aqueth trofèu en dues escasences, era darrèra siguec en 2007.

Era nhèu les obliguèc a jogar en França

Enes prumèrs ans dera equipa, aguesti non podien crosar tar aute costat dera val pes nheuades, per aguest motiu era equipa de fotbòl dera Val d'Aran jògue en França. De hèt, enquia que non cavèren eth tunèl de Vielha, non podien passar tà territòri catalan enes durs iuèrns.