Tromba marina

Un article de Wikipèdia, l'enciclopèdia liura.
Fotografia d'una tromba marina en Grècia.

Una tromba marina es un revolum d'aiga e d'aire situat en dessota d'un nívol convectiu e au dessüs d'una estenduda d'aiga. Se fòrman, dins de condicions d'instabilitat meteorologicas, quand una massa d'aire freg passa sus un jaç d'aiga cauda.

Dos tipes de tromba existisson. Lo pus frequent es dich tromba d'aire freg. La velocitat dei vents i passa rarament lei 100 km/h e lo fenomèn disparéis quand arriba sus una estenduda de tèrra. Pasmens, pòu representar una menaça per lei naviris ò per la vida aqüatica.

Lo second tipe es dich tromba tornadica e representa generalament un perilh pus important car es, en realitat, un tornado format en mar. Lo fenomèn es donc pus intens e pòu, sensa dificultat, perseguir sa progression sus una estenduda de tèrra.

Liames intèrnes[modificar | Modificar lo còdi]

Bibliografia[modificar | Modificar lo còdi]

Nòtas e referéncias[modificar | Modificar lo còdi]