Triti

Un article de Wikipèdia, l'enciclopèdia liura.
Salta a la navegació Salta a la cerca

Lo triti o idrogèn-3 (simbòl T o 3H) es un isotòp rar e radioactiu de l'idrogèn. Lo nuclèu del triti (t, de còps que i a sonat triton) conten un proton e dos neutrons, mentre que lo nuclèu de l'isotòp comun idrogèn-1 (proti) conten pas qu'un proton, e lo de l'idrogèn-2 (deutèri) conten pas qu'un proton e un neutron.

Le triti natural es extrèmament escàs sus Tèrra. L'atmosfèra ne'n conten pas que de traças, formadas per l'interaccion de sos gases amb los rais cosmics. Pòt èsser produit artificialament en irradiant de liti metal o de calhaus en ceramica que contenon de liti dins un reactor nuclear, e es un sosproduit en febla quantitat dins lo fonccionament normal dels reactors nuclears.

Le tritium es utilizat coma font d'energia dins las luses radioluminescentas per las montres, los visaires d'armas de fuòc, nombroses instruments e espleches. Servís dins lo domeni médical e scientific coma traçaire radioactiu. Lo triti servís tanben coma combustible de la fusion nucleara, amb lo deutèri pus abondant, dins los reactors tokamak e dins las bombas d'idrogèn.