Trencadís

Un article de Wikipèdia, l'enciclopèdia liura.
Drac de trencadís del Pargue Güell

Lo trencadís es una mena de mosaïca amb de tròces de ceramica tipic de l'arquitectura modernista.

Los arquitèctes del modernisme utilizèron fòrça rajòlas de ceramicas, mas Antoni Gaudí prepausèt de sistèmas fins alara inedits[1]. Josep Maria Jujol i Gibert foguèt encargat de los plaçar e que li done la seuna caracteristica.

Utilizèt de pèças de casuda de la fàbrica Pujol i Bausis, situada a Esplugues de Llobregat, e tanben tròces de plats e tassas de cafè de faïença blanca d'autres manufacturas d'Espanha. Tanben utilizèt de rajòlas de ceramica e de mosaïca amb la tecnica de l'opus tessellatum.

Per capitar dins lo cromatisme, decidiguèt d'utilizar de ceramica esmaltada qu'ofrís de colors vivas e profeitèt de la superfícia lisa e polida per que sus la superfícia tridimensionala de son arquitectura provòque un maximum d'efècte de brilhant a l'incidéncia de la lutz.

La tecnica foguèt utilizada pel primèr còp pel picador de la dintrada de la finca Güell de l'avenguda de Pedralbes ont l'arquitectura sinuosa faguèt una necessitat de trincar la rajòlas ont se podiá pas las plaçar senceras.

En trincant las rajòlas que avián ja sa pròpria decoracion se fa una novèla composicion sens res a veire amb los dessenhs de las pèças senceras e que en mesclant totjorn mai los fragments de diferentas pèças, venon d'efèctes visuals particulars e diferents seguent la tecnica.

Referéncias[modificar | Modificar lo còdi]

  1. Gaudí anèt al talhièr de Lluís Brú e en vesent l'agençament de las pèças, trapèt una rajòla e una maceta e, en la trencant s'exclamèt: «me cal pausar aquela manat, sinon, jamai acabarai». (ca)Lluís Brú, fragment d'un creador. Aj. d'Esplugues. p. 74. ISBN 84-609-5719-5