Transcaucàsia
Transcaucàsia ò Caucàs dau Sud es una region dau sud de Caucàs qu'es formada d'Armenia e de la màger part de Georgia e d'Azerbaitjan. Es limitada au nòrd per Ciscaucàsia, au sud per Iran e Turquia, a l'oèst per la Mar Negra e a l'èst per la Mar Caspiana.
En causa de sa posicion a la crosiera d'Euròpa, d'Anatolia e d'Orient Mejan, Transcaucàsia a un poblament complèx que mescla de pòbles d'originas e de religions diferentas. Foguèt tanben mai d'un còp situada au limit de la zòna d'influéncia d'estats poderós (Empèri Roman, Empèri Bizantin, Empèri Otoman, empèris iranians successius, URSS... etc.). Per aquelei rasons, es ansin una fònt recurrenta de tensions e de conflictes dempuei l'Antiquitat.