Tractat Eden Rayneval
Lo Tractat Eden Rayneval es un acòrdi comerciau signat entre França e lo Reiaume Unit lo 26 de setembre de 1786. Inspirat per lei teorias liberalas d'Adam Smith (1723-1790), èra concebut per arrestat lei guèrras entre lei dos reiaumes. Per aquò, instaurèt una reduccion progressiva dei drechs de doana.
Pasmens, dins lei fachs, aqueu tractat èra fòrça favorable au Reiaume Unit que son industria dispausava d'una avançada tecnologica importanta. Tre son intrada en vigor, l'acòrdi entraïnèt una crisi grèva dins lei sectors de l'industria e de l'artesanat francés que poguèron pas faciar la concurréncia britanica. D'esmogudas aguèron luòc dins lei vilas pus obrieras e lo tractat Eden Rayneval foguèt una causa indirècta de la Revolucion Francesa.