Tornhac (Òut)

Tornhac o Tronhac (Troniac en francés) es una anciana comuna carcinòla , administrada per la comuna de Sauç, lo departament francés d'Òut e la region administrativa francesa d'Occitània, ancianament de Miègjorn-Pirenèus. Sauç es ara dins la comuna novèla de Pòrta de Carcin.

Geografia[modificar | Modificar lo còdi]

Lo nom es escrit Troniac sus la mapa ^[1], a l'oèst de Sauç. I a un o dos ostals.

Toponimia[modificar | Modificar lo còdi]

Çò que los toponimistas dison de Tornhac (Cantal) es probablament valable per aqueste Tornhac. Delamarre explica lo Tornhac auvernhàs per un nom gallés (gal) d'òme Turnios (doncas, ambe'l sufixe -āco(n))^[2], mas Dauzat e Rostaing daissavan la causida entre un nom d'òme gallés Turnus [latinizat per la finala] ambe'l sufixe -iacum [latinizacion de -(i)ācon] e un oronime prelatin, sense precision, turno-, « nautor, puèg », ambe'l meteis sufixe ^[3]. Quina es la prononciacion actuala, Tornhac o Tronhac ? La mapa de Sanson, al sègle XVII, portava Tornhac ^[4], e la fòrma sense metatèsi (viatge de -r-) èra encara oficiala en 1793.

Istòria[modificar | Modificar lo còdi]

Tornhac èra probablament una parròquia abans la revolucion ^[5]. Segon lo siti Cassini, Tornhac foguèt annexada a Sauç, benlèu entre 1795 e 1800. Mas la comuna de Sauç èra dejà oficialament Saux et Tourniac en 1793, çò qu'empachèt pas Tornhac d'èsser recensat a part la meteissa annada ^[6]. La data exacta de la disparicion de Tornhac coma comuna independenta demòra doncas a precisar.