Ticky Holgado

Un article de Wikipèdia, l'enciclopèdia liura.
Ticky Holgado al Festenal de Canas de 1997

Ticky Holgado, escais de Joseph Holgado, èra un actor, nascut lo 24 de junh de 1944 a Tolosa e mòrt lo 22 de genièr de 2004 a París.

Biografia[modificar | Modificar lo còdi]

Comencèt a 16 ans per la musica jol nom de Ricky James (per Ricky Nelson e James Dean), puèi amb la banda « d'Oc d'Aïl ».

Holgado assolidava que Jimi Hendrix l'èra vengut veire. Foguèt secratari particular de Claude François puèi dels Chats Sauvages de Mike Shannon e de Johnny Hallyday que ne venguèt grand amic. S'ocupèt après de Martin Circus, interprèta de Je m’éclate au Sénégal.

Amb Delicatessen (1990) de Jean-Pierre Jeunet e Marc Caro, Ticky vei son talent d'actor reconegut. Gérard Jugnot trobèt per el lo personatge del colcavestit dins Une époque formidable (1990) que lo faguèt venir popular.

Faguèt prèp de seissanta filmes, subretot amb Gérard Jugnot, Josiane Balasko, Gérard Oury, Claude Berri, Henri Verneuil, Edouard Molinaro, Gérard Lauzier, e tanben Claude Lelouch (Hommes, femmes, mode d'emploi, 1996), Bertrand Blier (les Acteurs, 1999), Jean-Pierre Jeunet (le Fabuleux Destin d'Amélie Poulain, 2000).

Foguèt nomenat pel Cesar del melhor segond ròtle masculin en 1992 per Une époque formidable e en 1996 per Gazon maudit.

Tornèt a la musica amb los Clap Shooters. Holgado jamai concretizèt son projècte de mesa en scèna, un « oestèrn pirenèu ».

Moriguèt d'un càncer lo 22 genièr de 2004.

Tomba de Ticky Holgado al cementèri del Paire Lachaise

.

Vejatz tanben[modificar | Modificar lo còdi]

Bibliografia[modificar | Modificar lo còdi]

  • (fr)Yvan Foucart : Dictionnaire des comédiens français disparus, Mormoiron : Éditions cinéma, 2008, 1185 p. ISBN 978-2-9531-1390-7Error d'escript : lo modul « check isxn » existís pas.

Ligams externes[modificar | Modificar lo còdi]

Wikimedia Commons prepausa de documents multimèdia liures sus Ticky Holgado.