Thomas Pesquet

Thomas Pesquet
Naissença	27 de febrièr de 1978 Roan
País d'origina	França

Thomas Pesquet, nascut lo 27 de febrièr de 1978 a Rouen, es un astronauta francés de l'Agéncia espaciala europèa. Après una formacion d'engenhaire aeronautic a Tolosa (ISAE), Pesquet ocupèt divèrs pòstes dins l'industria aerospaciala e a l'agéncia espaciala europèa abans de venir, en 2004, pilòt de linha. Es un dels sièis astronautas europèus seleccionats per l'agéncia espaciala en 2009. Thomas Pesquet foguèt lo desen francés a partir dins l'espaci quora s'enlairèt lo 17 de novembre de 2016 al bòrd de Soiuz MS-03 que l’equipatge ocupèt l'Estacion Espaciala Internacionala de novembre de 2016 a junh de 2017. Durant aquesta mission, Thomas Pesquet menèt una centena d'experiéncias que la mitat foguèron desvolopada per l'Agéncia espaciala europèa o lo CNES, l'autra mitat per la NASA. Faguèt doas sortidas extraveïcularas de sièis oras per de missions de mantenença de l'estacion espaciala internacionala.