Terralha cupisnica
La terralha cupisnica foguèt producha per divèrsei populacions precolombianas installadas lòng dau litorau nòrd perovian e dins certanei valadas andinas entre 1200 e 500 av. JC. Anteriora a la cultura de Chavín, intrèt pauc a pauc dins son esfère d'influéncia e ne'n venguèt finalament una compausanta. La terralha cupisnica es generalament sorna, monocròma (negre, brun ò roge sorn) en causa d'una cuecha dins una atmosfèra reductritz e lisca. Aquò li dona l'aparéncia de la pèira, dau basalt ò de l'obsidiana. La decoracion es una mescla de motius en relèu e de motius gravats ò incisats.