Ponch de fusion
(Redirigit dempuèi Temperatura de fusion)
Lo ponch de fusion (var. punt de fusion) ò la temperatura de fusion d'un compausat quimic pur ò d'un eutectic es, per una pression donada, la temperatura de coexisténcia a l'equilibri deis estats liquid e solid. Se la substància es caufada, fond a aquela temperatura fins a la disparicion complèta dau solid. Dins lo sens opausat, se la substància es refrejada, se solidifica a aquela temperatura fins a la disparicion totala dau liquid. Dins aqueu darrier cas, lo ponch de fusion es de còps dich ponch de solidificacion.