Superpoténcia

Un article de Wikipèdia, l'enciclopèdia liura.

Lo tèrme de superpoténcia designa un Estat qu'a una granda influéncia sus lo sistèma internacional perque domina lo mond dins los domenis economic, militar, politic e/o cultural.

Aprèp la Segonda Guèrra Mondiala, los Estats Units d'America e l'Union Sovietica son los primièrs Estats a èsser de superpoténcias. Actualament, d'unes pensan qu'aprèp la casuda de l'URSS, sols los Estats Units son una superpoténcia o una iperpoténcia.

Actualament, China e Índia pòdon devenir de superpoténcias, dins qualque temps. L'Union Europèa es una superpoténcia economica e comerciala e poiriá acréisser son influéncia dins lo domeni politic.

Lo tèrme de superpoténcia apareguèt pel primièr còp en 1922 e designa d'Estats que lor influéncia es fòrça importanta. William Thornton Rickert Fox, professor de politica estrangièra a l’universitat de Columbia, estima que tres Estats pòdon pretendre a aqueste reng : los Estats Units, l’URSS e l’Empèri Britanic.

Caracteristicas d’una superpoténcia[modificar | Modificar lo còdi]

  • Cultura : influéncia culturala importanta. Es lo Soft power. Exemple : lo cinèma american.
  • Defensa : la capacitat de mobilizar son armada dins lo mond entièr. Es lo Hard Power.
  • Geografia : dominacion d'una granda zona terrèstra e maritima.
  • Economia : una granda poténcia economica.
  • Demografia : una populacion importanta.
  • Politica : un sistèma politic e una poténcia diplomatica qu'a una influéncia sus lo sistèma internacional.

Vejatz tanben[modificar | Modificar lo còdi]