Sovkhoz
Un sovkhoz (en rus совхоз, ) èra una bòrda d'Estat de l'URSS. Lo mot es la contraccion de советское хозяйство, siá bòrda sovietica. Los sovkhozes foguèron creats pendent l'expropriacion dels kolaks pendent la campanha de collectivizacion lançada per Stàlin après 1928.
Una persona trabalhant dins un sovkhoz èra un sovkhoznic (en rus: совхозник, al femenin sovkhoznitza, (rus: совхозница). Dins un sovkhoz, los obrièrs agricòlas èran salariats, sens èsser proprietaris. Los salaris èran pas (o gaire) indexats sus la productivitat del sovkhoz.
Per cobrir una flaca productivitat e donc una produccion insufisenta, de pèças de tèrra privadas foguèron tolerada dins los sovkhozes. Lor superfícia faguèt enseguida l'objècte de mai d'una refòrmas.
Istòria
[modificar | Modificar lo còdi]Los sovkhozes comencèron a èsser creats al començament dels ans 1920 coma un exemple ideologic de l'agricultura socialista car los kolkhozes foguèron longtemps considerats coma una etapa intermediària cap a l'ideal de l'agricultura estatica. Alara que los kolkhozes foguèron mai sovent creats combinant de pichonas expleitacions individualas dins una estructura cooperativa, los sovkhozes foguèron organizats per l'Estat sus de tèrras confiscadas que foguèron acampadas dins de grandas proprietats. Los trabalhadors dels sovkhozes foguèron recrutats d'entre las populacions ruralas sens tèrra.
Lo ròtle dels sovkhozes dins l'agricultura sovietica progressa regularament al cors de l'èra sovietica. Lo nombre de sovkhozes passa de mens de 1 500 en 1929 a un pauc mai de 23 000 a la fin dels ans 1980. Aquel espandiment s'explicava en partida per la politica de fusion e de reconversion dels kolkhozes en sovkhozes e en partida mercé a l'espandiment de las superfícias cultivadas mejans de programas espaecials coma la Campanha de las tèrras verges. Pendent los ans 1930, los sovkhozes avián en mejana gaireben 3 600 ectaras de superfícia semenada. Dins los ans 1980, aquela mejana èra de gaireben 4 500 ectaras.
Los sovkhozes foguèron percebuts coma essent mai productius e mai rendables que los kolkhozes. Los sovkhozes èran subretot presents dins la produccion de Cerealas, de Legums e d'uòus.
En 1990, l'Union sovietica aviá 23 500 sovkhozes, o 45 % del total d'expleitacions de tipes sovkhoz/kolkhoz. La talha mejana d'un sovkhoz èra de 15 300 ectaras, près de tres còps lo kolkhoze mejana qu'èra de 5 900 ectaras en 1990. Los sovkhozes èran mai nombroses en Siberia que dins la partida europèa de l'Union sovietica.
Pendent la transicion dels ans 1990, fòrça bòrda d'Estat foguèron reorganizadas coma societat per accions, pasmens se lo desvolopament dels mercats fonzièrs èran totjorn entravat per l'oposicion a la proprietat privada de las tèrras.