Solanaceae
Dessenhs de Solanum dulcamara
| Règne | Plantae |
|---|---|
| Sosrègne | Tracheobionta |
| Division | Magnoliophyta |
| Classa | Magnoliopsida |
| Reng de precisar | Asteridae |
| Òrdre | Solanales |
| Reng de precisar | Angiospermes |
|---|---|
| Reng de precisar | Dicotylédones vraies |
| Reng de precisar | Noyau des Dicotylédones vraies |
| Reng de precisar | Astéridées |
| Reng de precisar | Lamiidées |
| Òrdre | Solanales |
Las solanacèas (Solanaceae) son una familha de plantas erbacèas o lenhosas amb las fuèlhas alternas, simplas e sens estipulas apertenent a l'òrdre Solanales, de las dicotiledonèas (Magnoliopsida).
Compren aperaquí 98 genres e 2700 espècias, amb una granda diversitat de morfologia e ecologia. La familha es cosmopolita, e se distribuís dins lo mond entièr levat en Antartida. La màger diversitat d'espècias se tròba en America del Sud e America Centrala. Dins aquesta familha s'incluson d'espècias alimentàrias importantas coma la trufa (Solanum tuberosum), la tomata (Solanum lycopersicum), l'aubergina (Solanum melongena) e los pebrons (Capsicum). Fòrça plantas ornamentalas fòrça popularas apertenon a las solanacèas, coma Petunia, Schizanthus, Salpiglossis e Datura. D'unas espècias ricas en alcaloïdes son mondialament conegudas per sos emplecs medicinals, sos efèits psicotròp o per èsser toxicas: belladona, morèla, brugmansia, datura, mandragora, tabac.