Soc.culture.occitan

soc.culture.occitan es un grop de difusion d'informacions creat sul malhum Usenet a la debuta de 1997.

Ten son origina de discussions sus la list-oc. Sa tòca èra de crear un grop dedicat a la cultura occitana dins la ierarquia mondiala.

Après de discussions dins l'encastre d'aquela list-oc, notadament per l'elaboracion de la carta del grop, Joan Jacme Maureta e Joan Francés Blanc botèron en camin lo Procès de creacion de soc.culture.occitan|procès de creacion.

Justificacion

La creacion d'un grop sus Usenet se fa segon un procès definit dempuèi de temps e se deu acompanhar d'una justificacion (rationale) e d'una carta (charter), totas doas en anglés.

La justificacion èra aquela : Demèst las lengas romanicas, l'occitan (tanben conegut coma lenga d'òc o provençal) es la mai espandida sens estatut oficial (al nivèl d'un país o d'una region autonòma). Una lista de discussion per corrièr electronic de mai de 100 abonats es ja en plaça, mas d'unes son desrengats de recebre los messatges dins sa boita de letras professionala, que i a de contribucions pro frequentas, e que los interèssan pas forçadament.^[1]

Carta

La carta de soc.culture.occitan es : soc.culture.occitan serà un grop d'informacion sur l'airal que s'i parla la lenga d'òc : cultura, lenga, politica, istòria e totes los subjèctes normalament discutits dins un grop del tipe "soc.culture". La cultura occitana es la cultura de l'airal que s'i parla l'occitan-lenga d'òc. Aquel airal cubrís lo tèrç mai al sud de França, la val d'Aran dins la Comunautat autonòma de Catalonha (Espanha), las nautas valadas aupencas del Piemont e la vila calabresa de Guardia Piemontese (Itàlia). La cultura occitana es una cultura plan definida, qu'aguèt una granda espandida a l'atge mejan amb los Trobadors e l'eretgia catara. Aqueles dos subjèctes, e los esfòrces actuals de reviscòl la lenga e las tradicions occitanas seràn los subjèctes mai sovent discutits. Recomandam, que lo grop serà pas moderat, d'inclaure un mot-clau sul tèma de discussion dins l'objècte de cada messatge - per exemple Istòria, Lenga, Cultura, Politica, etc.^[2].

Procès de creacion

La creacion se faguèt en 7 etapas :

17 d'octobre de 1996 : RFD (Request for discussion) - primièra demanda de discussion sus news.announce.newgroups e d'autres grops^[3]. Aquela demanda aguèt gaireben pas cap de resson (una sola responsa, d'un anglés que demandava d'utilizar puslèu .languedoc o .provence, que per el deviá èsser una discussion ligada a una província istorica.
8 de genièr de 1997 : Segonda RFD (demanda de discussion) emesa per de motius de calendièr^[4] (lo temps maximum entre la RFD e lo CFV èra passat, que Joan Jacme Maureta e Joan Francés Blanc agèron de mal a trobar un votetaker independent al moment del cap d'an).
31 de genièr de 1997 : Primièr CFV (Call for Vote : apèl a votacion) emés per lo finlandés Jani Patokallio^[5]
10 de febrièr de 1997 : Segond e darrièr apèl a votacion^[6]
22 de febrièr de 1997 : Fin de la votacion
Las resultas foguèron publicadas per Jani Patolkallio lo meteis jorn^[7] : la creacion èra acceptada per 245 voses de 276 - contra 30 voses e 1 abstencion (i deu aver una majoritat dels dos tèrces e una diferéncia de mai de 100 voses entre los per e los contra).
3 de març de 1997 : Primièr messatge mandat per Ralph Leuth^[8].

Referéncias

↑ "Among the Romance languages issued from Latin, Occitan (also known as Langue d'Oc or Provencal) is the most widespread of those not having a status as a state or autonomous region language. An occitan mailing-list of more than 100 subscribers is working, but some users are bothered by the automatic reception of such mail in their work mailbox, as the postings are rather frequent, and by the fact some of these messages are not in their field of interest.", Rationale paregut dins la primièra demanda de discussion.
↑ "This is the charter for soc.culture.occitan soc.culture.occitan would be a newsgroup for the discussion of the langue d'oc area, its culture, language, politics, history, and all topics normally discussed in "soc.culture" newsgroups. The "Occitan" culture is the culture of the occitan-langue d'oc speaking area, covering the southernmost third of France, the Aran valley in the Catalonia autonomous community (Spain), the upper alpine valleys of Piedmont and the Calabrian city of Guardia Piemontese (Italy). The occitan, culture is a culture of its own, which gained a flattered reputation during the middle-ages with the trobadors (troubadours) poetry and the catharian heresy. These two topics, and the present attempts of revival of the occitan language and traditions, would be the most often topics. We strongly recommend, as this group would not be moderated, to include a topic keyword in the Subject of the postings, such as History, Language, Culture, Politics and so on. The languages of the postings would be, Occitan-Langue d'Oc (without restriction on the choice of the orthography), Catalan, French,English. ", Charter publicada dins la primièra demanda de discussion
↑ Véser http://groups.google.com/group/soc.culture.french/msg/d56e0cc1105e74ea - los autres grops èran news.groups, soc.culture.french, soc.culture.breton, soc.culture.catalan, fr.misc.divers
↑ http://groups.google.com/group/soc.culture.french/msg/4b733b9099c1ba02?dmode=source
↑ http://groups.google.com/group/news.announce.newgroups/msg/08886b92c52e01bd
↑ http://groups.google.com/group/soc.culture.french/msg/911d799c43ddc0be?dmode=source
↑ soc.culture.occitan passes 245:30
↑ Visca l'occitania i el occitan

[1] "Among the Romance languages issued from Latin, Occitan (also known as Langue d'Oc or Provencal) is the most widespread of those not having a status as a state or autonomous region language. An occitan mailing-list of more than 100 subscribers is working, but some users are bothered by the automatic reception of such mail in their work mailbox, as the postings are rather frequent, and by the fact some of these messages are not in their field of interest.", Rationale paregut dins la primièra demanda de discussion.

[2] "This is the charter for soc.culture.occitan soc.culture.occitan would be a newsgroup for the discussion of the langue d'oc area, its culture, language, politics, history, and all topics normally discussed in "soc.culture" newsgroups. The "Occitan" culture is the culture of the occitan-langue d'oc speaking area, covering the southernmost third of France, the Aran valley in the Catalonia autonomous community (Spain), the upper alpine valleys of Piedmont and the Calabrian city of Guardia Piemontese (Italy). The occitan, culture is a culture of its own, which gained a flattered reputation during the middle-ages with the trobadors (troubadours) poetry and the catharian heresy. These two topics, and the present attempts of revival of the occitan language and traditions, would be the most often topics. We strongly recommend, as this group would not be moderated, to include a topic keyword in the Subject of the postings, such as History, Language, Culture, Politics and so on. The languages of the postings would be, Occitan-Langue d'Oc (without restriction on the choice of the orthography), Catalan, French,English. ", Charter publicada dins la primièra demanda de discussion

[3] Véser http://groups.google.com/group/soc.culture.french/msg/d56e0cc1105e74ea - los autres grops èran news.groups, soc.culture.french, soc.culture.breton, soc.culture.catalan, fr.misc.divers

[4] ttp://groups.google.com/group/soc.culture.french/msg/4b733b9099c1ba02?dmode=source

[5] ttp://groups.google.com/group/news.announce.newgroups/msg/08886b92c52e01bd

[6] ttp://groups.google.com/group/soc.culture.french/msg/911d799c43ddc0be?dmode=source

[7] soc.culture.occitan passes 245:30

[8] Visca l'occitania i el occitan

[1]

[2]

[3]

[4]

[5]

[6]

[7]

[8]