Santa Marta (Marselha)

Un article de Wikipèdia, l'enciclopèdia liura.
Salta a la navegació Salta a la cerca
Pagina d'ajuda sus l'omonimia Pels articles omonims, vejatz Santa Marta (omonimia).
Glèisa de Santa Marta

Santa Marta es un quartier dau 14en arrondiment de Marselha, au nòrd de la ciutat.

Lo quartier tira son nom dau vilatjon de Santa Marta, establit au pè dei còlas tocant la Montanha de l'Estela. Una tradicion locala ditz que la Santa se seriá arrestada dins lo ròdol en caminant devèrs la Santa Bauma e auriá begut a una fònt que son emplaçament l'es totjorn.

Encuei, lo vilatje es bornat per un camp militar au sud-oèst, d'ostalàs bastits dins leis annadas 1960 au sud-est e au nòrd lo canau de Marselha, dins un espaci encara pron sauvatge mai en cors de densificacion urbana.

Lo quartier es conoissut per èstre lo sèti nacionau de l'entrepresa Ricard, per la rason que son fondator, Pau Ricard, naissèt e creissèt a Santa Marta.