Santa Marta (Colómbia)

Santa Marta (oficialament, en castelhan, Distrito turístico, cultural y histórico de Santa Marta) es una vila colombiana, capital del departament del Magdalena, a la region del mar Cariba, situada a la baia de Santa Marta. Segon lo recensament del 2005, i aviá 447.857 abitants.

Foguèt fondada lo 29 de julhet de 1525 pel conquistador espanhòl Rodrigo de Bastidas. Es la vila mai anciana a Colómbia e la segonda mai anciana de l'America del Sud. Cal destacar que, a la Quinta de San Pedro Alejandrino, una isènda situada alavetz als entorns de la vila e uèi apertenenta dins lo quartièr de Mamatoco, lo 17 de decembre del 1830 i moriguèt lo libertador Simón Bolívar.