Sant Joan de Janas
Sant Joan de Janas (Saint-Jean-de-Jeannes en francés) es un vilatge e una seccion de la comuna de Paulinet. Es tanben una parròquia (glèisa de Sant Joan Baptista) de la diocèsi d'Albi. Los abitants son las santjanòlas e los santjanòls.
Toponimia[modificar | Modificar lo còdi]
Sant Joan Baptista es lo nom de la parròquia. Janas es lo nom d’un castèl desrocat e disaparegut sus la comuna vesina de Raiçac que se sonèt un moment Raiçac de Janas. Se supausa que lo castèl èra mai o mens vesin del masatge del Castelàs. L’etimologia populara locala indica que la jana es la tuta del singlar.
Istòria[modificar | Modificar lo còdi]
Sanctus Johannes de Genis es atestat en 1370.[1] Al sègle XVII, la parròquia a dos oficis de notari. La demografia locala es pro coneguda mercé als registres d’aquestes.
Seccion de la comuna de Paulinh puèi Paulinet, Sant Joan de Janas capitèt pas a s’independentizar.[2] Autres còps pro bèl (dos oficis de notari al s. XVII, una escòla primària del quarantenat d’escolans al mièg de las annadas 1940), lo vilatge s’es despoblat e compta pas mai de 20 abitants permanents en 2020.
Referéncias[modificar | Modificar lo còdi]
- ↑ https://gallica.bnf.fr/ark:/12148/bpt6k5782104h/f242.item.r=%22Saint%20Jean%20de%20Jeannes%22
- ↑ Declaracion de l’associacion "Comité de défense des intérêts communaux de Saint-Jean-de-Jeannes", Journal officiel de la République française, n°109, 9 de mai de 1945, pagina 2368 - Legir sus Gallica.