Salh d'Escòla

Un article de Wikipèdia, l'enciclopèdia liura.
Salta a la navegació Salta a la cerca
Salh d'Escòla dins un cançonièr del sègle XIII

Salh d'Escòla (sovent escrich Sail o Saill; probablament un escais umoristic per criticar una possibla pedantariá) foguèt un trobador occitan de Perigòrd. Se pensa que visquèt cap a la fin del sègle XII e qu'èra originari de Brageirac. Es estada preservada sonque una de sas cançons: Gran esfortz fai qui chanta ni.s deporta.

Los detalhs de sa vida son pas gaire nombroses. Nos son coneguts gràcias a doas fonts d'epòcas diferentas. La primièra referéncia a aqueste autor apareis dins lo sirventès del Monge de Montaudon Pos Peire d'Alvernh' a chantat, la cançon mai famosa d'aqueste trobador que foguèt compausada a l'entorn de 1195:

Salh d'Escola es lo dezes
qui de joglar s'es faitz borges
A Brajairac, on compr'e ven:
E quant a vendut sos corves,
El se'n vay pues en Narbones
Ab un fals cantars per prezen.

La segonda atestacion, mai tardiva, es una vida anonima pro corta de Salh que foguèt redigida durant lo sègle XIII e s'inspira possiblament en part de la cançon del Monge de Montaudon:

Sail de Scola si fo de Barjarac, d'un ric borg de Peiregorc, fils d'un mercadan; e fetz se joglar e fetz bonas cansonetas. Et estet cum na Ainermada de Narbona; et quant ella mori, el se rendet a Bragairac, e laisset lo trobar e'l cantar