Sabordatge de la flòta francesa de Tolon
Lo sabordatge de la flòta francesa de Tolon designa la destruccion volontària de l'esquadra militara estacionada a Tolon lo 27 de novembre de 1942. L'accion aguèt luòc pendent la Segonda Guèrra Mondiala durant l'invasion alemanda de la Zòna Liura consecutiva au desbarcament aliat en Africa dau Nòrd. Empachèt lo IIIen Reich de prendre lo contraròtle d'una importanta fòrça navala organizada a l'entorn d'un cuirassat, de 9 crosaires e d'un pòrta-avions. Au totau, 77 naviris, representant un tonatge de 225 000 tonas, foguèron destruchs. L'operacion èra una revirada per l'Aisse e foguèt saludada per leis Aliats. Pasmens, marca leis ambigüitats dau regim de Vichèi, incapable de chausir son camp, e la disparicion de sei darrierei fòrças militaras cresiblas.
Quatre sosmarins e un pichon balisaire capitèron d'aparelhar. A l'excepcion de l’Iris, arribèron en Argeria onte foguèron integradas au sen de la marina francesa que combatiá amb leis Aliats.
Liames intèrnes
[modificar | Modificar lo còdi]Bibliografia
[modificar | Modificar lo còdi]- (fr) Rémi Monaque, Une histoire de la marine de guerre française, París, Perrin, 2016, 526 p.