Sètge de Famagosta
Lo sètge de Famagosta se debanèt dau 22 d'aost de 1570 au 4 d'aost de 1571. Opausèt la garnison veneciana de la vila dirigida per Marco Antonio Bragadin e Astorre Baglioni a una armada otomana comandada per Sokollu Mehmet Paşa. Lei Venecians resistèron amb acarnament mai, sota la pression deis abitants, deguèron finalament negociar la rediccion de la vila destrucha per l'artilhariá turca. Abandonèron la plaça en cambi de la libertat dei defensors e deis abitants. Pasmens, leis Otomans èran desirós de venjar sei pèrdas importantas. Respectèron donc pas l'acòrd. Lei Venecians foguèron chaplats e la vila totalament pilhada.
Aquela victòria permetèt ais Otomans d'ocupar tota l'illa de Chipre que Venècia deguèt oficialament abandonar en 1573. Dins aquò, entraïnèt la formacion de la Santa Liga que ganhèt la batalha de Lepanta en 1571 onte leis Otomans perdèron de desenaus de milièrs d'òmes e sa supremàcia navala sus la Mar Mediterranèa.