Sètge de Constantinòble (717-718)

Un article de Wikipèdia, l'enciclopèdia liura.
Salta a la navegació Salta a la cerca
Representacion bulgara dau sètge de Constantinòple de 717-718 (sègle XIV).

Lo sètge de Constantinòble de 717-718 ò segond sètge arabi de Constantinòble se debanèt de l'estiu de 717 (15 de julhet ò d'aost) au 15 d'aost de 718. Opausèt una armada dau Califat Omeia ai defensors de la capitala bizantina. S'acabèt per una desfacha majora deis arabis que foguèron plus jamai capables d'atacar dirèctament la vila.

Lo sètge èra la consequéncia de trenta ans de guèrras entre bizantins e arabis en Anatolia. L'ataca èra dirigida per Maslama ben Abd al-Malik e aprofichava la guèrra civila entre Leon III l'Isaurian e Teodòsi III. Pasmens, Leon III l'Isaurian capitèt de conquistar lo poder avans l'acomençament dau sètge. Poguèt ansin preparar la defensa de la capitala e negociar lo sostèn dei Bulgars. De mai, la flòta bizantina capitèt de neutralizar lei flòtas aràbias cargadas d'assegurar lo blocus maritim de Constantinòble e d'avitalhar lei fòrças terrèstras de Maslama ben Abd al-Malik. Leis asalhidors foguèron donc a cha pauc tocats per de faminas e de malautiás. A partir de la prima de 718, sa situacion venguèt grèva ambé la revòuta deis esclaus crestians dei naviris arabis, l'acomençament d'incursions bulgaras e la destruccion per lei Bizantins d'una armada de renfòrç en Anatolia. Lo 15 d'aost de 718, leis arabis foguèron obligats d'abandonar lo sètge. Afeblits per la manca de viures e leis epidemias e secutats per lei bizantins, perdiguèron de milièrs d'òmes e de desenaus de naviris dins lo corrent de la retirada.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]