Sèrgi II

Un article de Wikipèdia, l'enciclopèdia liura.
Salta a la navegació Salta a la cerca
Litografia dau papa Sèrgi II (sègle XIX ò XX).

Sèrgi II (mòrt lo 27 de genier de 847) foguèt lo 102en papa de la Glèisa Catolica Romana de genier de 844 au 27 de genier de 847. Succediguèt a Gregòri IV (827-844) e foguèt remplaçat per Leon IV (847-855).

Après la mòrt de Gregòri IV, lo pòble roman elegiguèt l'arquevesque Joan e l'aristocracia de la vila chausiguèt Sèrgi. Puei, lei nobles capitèron d'eliminar l'oposicion populara e l'intervencion de Sèrgi per sauvar son rivau li donèt un prestigi pron important per assegurar son autoritat a Roma. Pasmens, deguèt rapidament faciar l'oposicion de Lotari Ièr que reclamava lo drech de ratificar l'eleccion dau papa coma lo prevesiá la Constitutio Romana de 824. Mandèt donc una armada per restablir son autoritat sus la vila e, subretot, faire pression sus lo papa. D'efècte, lo conflicte se reglèt per la negociacion e Lotari Ièr obtenguèt d'èsser coronat rèi de Lombardia per lo papa eu meme.

Après aqueleis eveniments, lo pontificat de Sèrgi II foguèt marcat per una incursion sarrasina que pilhèt Roma en aost de 846. Après aquela desfacha, lo papa ordonèt de renfòrçar lei fortificacions de la vila e dei palais pontificaus.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]