Robèrt de Nola
Robèrt de Nola, generalament dich Mèstre Robert en catalan, foguèt un mèstre cosinièr catalan[1] de la segonda mitat dau sègle XV e dau començament dau sègle XVI qu'èra au servici dau rèi Ferrand Ièr de Nàpols de 1458 a 1494. Es l'autor dau premier libre de cosina escrich en catalan, dich Llibre del Coch, que foguèt redigit avans 1491[2] e publicat vèrs 1520. En partida basat sus un libre pus ancian dich Llibre de Sent Soví (1324) e sus de recèptas occitanas, francesas, italianas e arabias, l'obratge venguèt rapidament una referéncia de la cosina medievela. Foguèt traduch en castelhan tre 1525 a Toledo e conoguèt per la seguida unei traduccions ò edicions novèlas.