Retorn etèrne

Un article de Wikipèdia, l'enciclopèdia liura.
Anar a : navigacion, Recercar

Retorn etèrne es lo nom donat per Friedrich Nietzsche a una concepcion filosofica dau temps que son origina es en Egipte antica e que fa partida de la retorica de Pitagòras e dei teorias cosmologicas dei premiers estoïcians. La teoria se basa sus l'idèa que lo temps es pas infinit, mas que se tròba ocupat per un nombre finit d'accions possiblas dins l'Univèrs, e que totei aqueleis accions e fachs an luòc un nombre indefinit de còps de manièra repetida. L'idèa que l'univèrs a pas un estat finau e que, en luòga d'aquò, reviu simplament de cicles sens ges de destin, ocupa una plaça centrala d'aquela teoria. Lo temps, doncas, se percep coma ciclic, au contrari de la vision aristotelica dau temps, qu'es rectilinèa, coma la judèocrestiana.