Restanca de Sivens

Un article de Wikipèdia, l'enciclopèdia liura.
Salta a la navegació Salta a la cerca
Endrech ont èra prevista la construccion de la restanca

La restanca de Sivens es un projècte de restanca controversada en Occitània (Galhaqués), dins la zòna umida del Teste sus la comuna de L'Illa d'Albigés e dins la val de Tescon. Lo nom de la restanca ven del Bòsc de Sivens adjacent.

Dimensions[modificar | modificar la font]

Lo projècte de restanca mesura 304 mètres de larg per 12 mètres de naut e gaireben 2 quilomètres de long e deuriá aver un volum de 1,5 milions de m3[1],[2] e una superfícia de 42 ectaras[3].

Objectius e compensacions[modificar | modificar la font]

Lo principal objectiu de la restanca es de permetre la constitucion d'una sèrva d'aiga per l'agricultura e son irrigacion l'estiu[4][5]. L'autre objectiu es de manténer l'estivatge de Tescon. La reduccion dels periòdes de secada del riu deuriá melhorar sa qualitat biologica.

Las instàncias en carga d'evaluar los aspèctes environamentals (CSRPN, CNPN) donèron tres avises desfavorables a l'examèn del projècte, que los impactes environamentals foguèron mal evaluats.

Per compensar la destruccion de las 13 ectaras de zona umida per la restanca, los tenents del projècte prepausan de restaurar un ensems de piboledas d'una superficícia totala de 19,5 ectareas[5], alunhadas e unas fòra del Bacin de Tescon.

Aquelas mesuras compensatriças costarián entre 140 000 e 200 000 èuros[3]. Lo projècte fa partida de l'esquèma director d'amainatjament e de gestion de las aigas d’Ador e Garona[4].

Contestacion[modificar | modificar la font]

Lo projècte de restanca es l'objècte d'una granda contestacion subretot a causa de la destruccion d'una zona umida de 13 ectaras o son presentas 94 espècias protegidas[1][6]. La contestacion es comparada a aquela de l'aeropòrt de Notre-Dame-des-Landes[2][7]. L'opausicion es sostenguda per la confederacion païsana, e qualques elegits d'Euròpa Ecologia Los Verds[5].

Los principals arguments dels opausants son los conflictes d'interés entre la companhiá d'amenatjament de las costièras de Gasconha e lo conselh general de Tarn, lo cost del projècte, lo pichon nombre d'agricultors beneficiant de la restanca (20 expleitants contre 80 d'en primièr), e un mendre besonh en aiga a l'ora d'ara qu'al respècte de çò que los estudis mostravan en 2001[3].

Pendent la manifestacion del 25 d'octobre de 2014, un oposant, Rémi Fraisse (21 ans) moriguèt.[8].

Constructor e mèstre d'obratge[modificar | modificar la font]

La Companhiá d'amenatjament de las costièras de Gasconha, una societat d'economia mixta, es encargada de la construccion de la restanca. Lo conselh general de Tarn es lo mèstre d'obratge de la construccion e de la concepcion de la restanca[4].

Finançament[modificar | modificar la font]

Lo cost del projècte de retanca foguèt evaluat a 8,49 milions d'èuros pel conselh general de Tarn, amb un cost de gestion annadièra de 300 000 èuros[5]. Lo projècte es financiat à 50 % per l'agéncia de l'aiga Ador Garona[9], a 30 % per l'Union Europèa e la region Miègjorn-Pirenèus, e a 20 % pels departaments de Tarn e Tarn e Garona[3].

Notas e referéncias[modificar | modificar la font]

  1. 1,0 et 1,1 (fr)Barrage/Tarn : expulsion des opposants] Le Figaro, 27 de febrièr de 2014
  2. 2,0 et 2,1 (fr) À Sivens, un autre Dame-des-Landes Libération, 2 de mai de 2014
  3. 3,0 3,1 3,2 et 3,3 (fr) Semaine cruciale à Sivens pour le projet de barrage La Dépêche du Midi, 31 d'agost de 2014
  4. 4,0 4,1 et 4,2 (fr) "Un projet de barrage dans le Tarn ralenti par des opposants", Le Moniteur, 11 de març de 2014
  5. 5,0 5,1 5,2 et 5,3 (fr) "Le barrage de Sivens est utile", La Dépêche du Midi, 30 d'abril de 2014
  6. (fr) "Dans le Tarn, l'opposition se renforce contre un barrage menaçant une zone humide", Le Monde, 3 de setembre de 2014
  7. (fr) "Tarn : un projet de barrage déchaîne la violence" Le Figaro, 29 d'agost de 2014
  8. (oc)"Un mòrt a la manifestacion contra la restanca de Sivens", Jornalet, 27 d'octobre de 2014
  9. (fr)"Nouvelles tensions sur le site du barrage de Sivens entre opposants et forces de l'ordre" [archive], Le Tarn libre, 27 de febrièr de 2014