Renat Silhòl

Un article de Wikipèdia, l'enciclopèdia liura.
Salta a la navegació Salta a la cerca

Renat Silhòl, tanben escrich Siòl (Aigas Vivas, 9 de genièr de 1922 - Vergesa, genièr de 2011) foguèt un ensenhaire, escrivan e traductor occitan. Es conegut mai que mai per sa revirada del libre de Collodi, Las aventuras de Pinòqui, publicada en 1984 dins la colleccion A Tots. Son activisme occitan e mai social foguèt fòrça important dins lo país de Nimes e ajudèt a l'espelida e al desvolopament d'entitats de l'airal coma la Marpòc.

Biografia[modificar | modificar la font]

Renat Silhòl nasquèt en 1922 a Aigas Vivas. Aprèp sos estudis dins son ròdol partiguèt al Licèu Daudet a Nimes. Aprèp qu'acabèsse los estudis, trabalhèt un temps coma susvelhaire dins un establiment escolar. Quand esclatèt la Segonda Guèrra Mondiala partiguèt dins lo maquís. Aprèp 1944 faguèt de remplaçaments coma regent abans de venir professor de francés a Sant Gèli. Foguèt durant aquel temps que rescontrèt sa futura esposa, Lydia, amb quau aguèron 5 enfants.