Raoul Wallenberg

Un article de Wikipèdia, l'enciclopèdia liura.
Salta a la navegació Salta a la cerca
Fotografia de Raoul Wallenberg en 1944.

Raoul Wallenberg (4 d'aost de 1912 - probablament lo 17 de julhet de 1947) foguèt un diplomata e un òme d'afaires suedés. Eiretier de l'empèri industriau e financier de la familha Wallenberg, menèt premier una carriera d'òme d'afaires avans d'èsser mandat en Budapèst dins lo corrent de la Segonda Guèrra Mondiala. I venguèt famós per la sauvament de 30 000 a 100 000 judieus ongrés.

Arribat dins la capitala ongresa en julhet de 1944, s'inspirèt dau metòde de son compatriòta Valdemar Langlet e deliurèt de passapòrts suedés a de judieus ongrés. Aquò permetiá de lei transformar au nivèu juridic en ciutadans suedés en cors de repatriacion. Negocièt tanben ambé d'oficiaus alemands, compres Adolf Eichmann, l'annulacion de desportacions. Son organizacion gropèt fins a 350 personas e de còps, 10 000 judieus restavan dins lei diferents locaus diplomatics suedés de Budapèst.

Après la conquista de Budapèst per l'Armada Roja, foguèt arrestat per lei Sovietics lo 17 de genier de 1945, benlèu car èra sospichat d'èsser un espion estatsunidenc. Son sòrt après son arrestacion es desconeguda. Segon divèrsei rapòrts sovietics, seriá mòrt lo 17 de julhet de 1947 d'una crisi cardiaca mai plusors testimònis independents afirmèron per la seguida l'aver vist dins de presons sovieticas entre 1949 e 1987. En 2000, lo govèrn rus confirmèt la data dau 17 de julhet de 1947 mai parlèt d'una execucion.

Es reconegut coma Just entre lei Nacions per lo Memoriau de Yad Vashem.[1]

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]

  1. Raoul Wallenberg - Yad Vashem (es)