Ròca plutonica
Lei ròcas plutonicas (ò ròcas intrusivas) son de ròcas magmaticas granudas d'extension geograficas largas que s'observan generalament dins lei massís montanhós. Se fòrman per refrejament lent d'una intrusion de magma dins la crosta terrèstra. La lentor dau refrejament (generalament de l'òrdre de plusors desenaus de miliers d'ans) favoriza la formacion de cristaus gròs (visibles a uelh nus). Puei, l'erosion e lei movements geologics pòdon entraïnar son aparicion a la superficia. Lei ròcas venencas, qu'aparéisson generalament dins lei regions perifericas deis intrusions magmaticas, son de còps classadas entre lei ròcas intrusivas.
D'exemples caracteristics de ròcas plutonicas son lei granits, lei dioritas, lei gabros e lei peridotitas.