Pujada al Pòrt de Salau
La Pujada al Pòrt de Salau o Pojada (en catalan: Pujada al Port de Salau) es un eveniment festiu que celebra cada an l'amistat occitano-catalana al Pòrt de Salau, endrech que unís lo Palhars Sobeiran amb l'Occitània ariegesa. La primièra Pujada se debanèt en 1988[1] capitanejada pel Cercle d'Afrairament Occitanocatalan (CAOC).
La Pujada se realiza cada primièr dimenge d'agost e i participan los cònsols de totas doas comarcas, en reivindicar aital una longa tradicion de relacions transfrontalièras.
Aprèp una bèla caminada de cada costat (doas oras e mièja de camin pels occitans e tres quarts d'ora pels catalans), los actes d'afrairament se fan amb d'escambis de produches tipics de totes dos versants (formatge, vins, alcoòl, còcas, chocolat, saucissas e botifarras) e a l'encòp de danças occitanas e catalanas, amb d'acordeonistas d'ambedós païses.
Durant lo 25en anniversari de la Pujada, i foguèt installada una placa commemorativa pel prètzfach portat a tèrme per l'ancian president del CAOC, Enric Garriga i Trullols, qu'èra mòrt l'annada anteriora.[2]
En 2014, la 27ena edicion de l'escambi comptèt sus la participacion de la seccion palharesa de l'ANC.