Premiera Guèrra de Tayasal
La Premiera Guèrra de Tayasal es un conflicte que se debanèt de 1622 a 1624 en Yucatan. Es la consequéncia de la temptativa deis autoritats colonialas espanhòlas localas de conquistar la ciutat-Estat de Tayasal, darrier Estat maia independent. Lo refús deis abitants, exprimit en 1618, de se convertir au catolicisme foguèt lo motiu oficiau de la guèrra. Coma l'accès a Tayasal èra pas simple e lo governador de la region deguèt esperar quatre ans per organizar una expedicion per sometre lei Maias. Pasmens, lo grop foguèt destruch dins una emboscada. Puei, una segonda expedicion, iniciada en 1624, conoguèt la meteissa fin e lo poder coloniau renoncièt a son projècte. Aquò permetèt a Tayasal de gardar son independéncia fins a 1697.