Premier meridian
Un premier meridian ò meridian d'origina es un meridian utilizat, en cartografia, coma referéncia de longitud. A la diferéncia dei parallèls que son definits per l'aisse de rotacion d'un objècte celèst, la chausida d'un premier meridian es generalament arbitrària. A l'ora d'ara, lo premier meridian terrèstre es lo meridian de Greenwich.
De meridians d'origina son estats definits per d'autreis objèctes dau Sistèma Solar :
- per la Luna, passa dirèctament au mitan de la fàcia visibla a proximitat dau cratèr Bruce.
- per Mercuri, la longitud 20° E es definida per lo cratèr Hun Kal.
- per Vènus, lo cratèr Eva es utilizat coma referéncia dei longituds.
- per Mart, lo cratèr Airy-0 es la referéncia.