Plan de Beret
  | |
| Tipe | plan |
|---|---|
| Localizacion | |
| Estat | Espanha |
| Serrada | Pirenèus |
 | |
| Donadas | |
| Altitud | 1 860 m |
| Site web | baqueira.es… |
Eth Plan de Beret[1] ei un gran plan plaçat a 1860 mètres d'altitud, entèsta dera Noguèra Palharesa, en pòble de Salardú, municipi de Naut Aran, ena Val d'Aran. Era plana a uns 4 km de longor, dempús der uelh dera Garona ara cabana des Gavatxos, e ei corbit de prats naturaus, es mès vasti d'Aran.
Es prats s'elèven en fòrça endrets enquias tucs des montanhes que formen, ar èst, eth massís de Beret. En estiu i van a pasturar uns 40 000 caps de bestial, pròpri e estrangèr, era grana part bovin e cavalin. Tanben i a eth refugi forestau de Peira-ròia, era hònt dera Noguereta, neishença dera Noguèra Palharesa e er uèlh dera Garona, neishença d'ua des branques que formen era Garona.
Esquí
[modificar | Modificar lo còdi]Eth Plan de Beret, hè part dera estacion d'esquí aupin Vaquèira-Beret e ath Plan i a un circut d'esquí de hons d'uns 7 km de longor, a on cada an s'i organize ua marcha populara que pòrte eth nòm deth plan. Era marcha ei ua des mès populares d'esquí de hons de Catalonha.
Referéncies
[modificar | Modificar lo còdi]- ↑ Institut d’Estudis Aranesi-Acadèmia aranesa dera lengua occitana. Nomenclator dera Val d'Aran, p. 22. ISBN 978-84-393-9911-7.