Pascal Mailhos

Pascal Mailhos, nascut lo 5 de decembre de 1958 a Albi (Tarn), es un prefècte francés, prefècte de la region Occitània. Dirigiguèt los rensenhaments generals de 2004 a 2006.

Biografia

Familha e formacion

Filh d'un universitari especialista del sègle de las Luses e d'una inspectritz generala de l'educacion nacionala, felen de prefècte, Pascal Mailhos a una formacion de jurista.

Après sos estudis a Tolosa, puèi a l'universitat París II Panthéon-Assas ont obtenguèt una mestresa en drech public, Pascal Mailhos es diplomat de l'Institut d'estudis politics de París, puèi de l'ENA.

Carrièra professionala

1986-1988: cap del cabinet (dirigit per Bernadette Malgorn) de Philippe Séguin, ministre dels afars socials e de l'emplec.
1988-1989: director del cabinet del prefècte de Sèina e Marna.
1989-1991: secretari general de la prefectura de la Mòsa.
1991-1993: cap del burèu de l'organizacion e del foncionament de las prefecturas al ministèri de l'interior
1993-1995: conselhièr tecnic al cabinet de Charles Pasqua, ministre d'Estat, ministre de l'interor e de l'amenatjament del territòri. Trabalha alara près de Claude Guéant, director adjunt del cabinet.
1994-1999 : secretari general de la prefectura de Var.
27 octobre de 1999 : cap de servici al ministèri de l'interior, encargat de la sosdireccion dels estrangièrs e de la circulacion transfrontièra.
12 julhet de 2002: prefècte delegat per la seguretat e la defensa près de Bernadette Malgorn, prefècta de la zona de defensa Oèst, prefècta de la region Bretanha, prefècta d'Ille et Vilaine

22 de genièr de 2004: Pascal Mailhos succedís a Yves Bertrand al cap dels RG. Aquela nominacion seriá l'eissida passa d'arma entre MM. Chirac e Sarkozy. Segon Le Figaro, lo ministre de l'interior Nicolas Sarkozy li auriá reprochat son inercia dins l'afar Clearstream 2. Foguèt remplaçat al cap de la DCRG lo 26 d'abril de 2006 per Joël Bouchité^[1], director adjunt dels RG e reputat pròche de Bernard Squarcini.

9 de mai de 2006: director de la modernizacion e de l'administracion territoriala al ministèri de l'interior; n'es mai l'adjunt de Bernadette Malgorn, secretària generala del ministèri.
4 de julhet de 2008: prefècte de Finistèrra^[2].

Nomenat prefècte de la region Borgonha e de la Còsta d'Aur lo 16 de novembre de 2011^[3], conéis una segonda afectacion de Prefècte de region l'11 de junh de 2014, en Miègjorn Pirenèus quand ven Prefècte de Nauta Garona^[4] e en 2015 prefecte de la region Lengadòc Rosselhon Miègjorn Pirenèus.

Decoracions

Oficièr de l'òrdre nacional de la Legion d'onor (2015).
Oficièr de l'òrdre nacional del Meriti^[5].

Referéncias

Ligams extèrnes

Notiça biografica sul site del ministèri de l’interior, de l’otramar, de las collectivitats territorialas e de l’imigracion

[1] Décret du 28 avril 2006 portant nomination d'un directeur des services actifs de la police nationale - M. Bouchité (Joël)

[2] Décret du 4 juillet 2008 portant nomination du préfet du Finistère - M. Mailhos (Pascal)

[3] Décret du 16 novembre 2011 portant nomination du préfet de la région Bourgogne, préfet de la Côte-d'Or (hors classe) - M. Mailhos (Pascal)

[4] ↑

[5] Décret du 16 mai 2008 publié au JO du 17 mai 2008.

[1]

[2]

[3]

[4]

[5]