Particion (matematicas)

Un article de Wikipèdia, l'enciclopèdia liura.
Anar a : navigacion, Recercar

En matematicas, una particion d'un ensemble E es un ensemble P de sosensembles non vueges de E, desjonchs a cha dos, que forman un recurbiment de E. Autrament dich, P es una particion de E se e solament se lei sosensembles que constituisson P son non vueges, e per tot element x de E, existís un solet d'aquelei sosensembles qu'a x per element.


Definicion[modificar | modificar la font]

Siá un ensemble E. Un ensemble P de sosensembles de E es una particion de E se :

  • ges d'element de P es vuege ;
  • l'union deis elements de P es egala à E ;
  • lei sosensembles de E que constituisson P (valent a dire : leis elements de P) son desjonchs a cha dos.

Exemples[modificar | modificar la font]

L'ensemble {1, 2, 3} a lei 5 particions seguentas :

  • { {1}, {2}, {3} },
  • { {1, 2}, {3} },
  • { {1, 3}, {2} },
  • { {1}, {2, 3} } e
  • { {1, 2, 3} }.

Se pòt remarcar que

  • { {1, 2}, {2, 3} } es pas una particion de {1, 2, 3} perque l'element 2 apartèn au còp a {1, 2} e a {2, 3} que son pas desjonchs
  • { {1}, {2} } es pas una particion de {1, 2, 3} perque 3 es element ni de {1} ni de {2} ;

Partitions e relacions d'equivaléncia[modificar | modificar la font]

  • S'una relacion d'equivaléncia es donada dins l'ensemble E, alora l'ensemble de totei lei classas d'equivaléncia es una particion de E.
  • Reciprocament, estent una particion P de E, alora se pòt definir ansin una relacion binària dins E notada ~ :
x ~ y se e solament s'existís un element de la particion P contenent au còp x e y
Se verifica aisadament qu'es una relacion d'equivaléncia, e que P es l'ensemble de sei classas d'equivaléncia.

Ansin, lei doas nocions d'ensemble quocient e de particion son fondamentalament identicas.

Nombre de particions d'un ensemble finit[modificar | modificar la font]

Lo nombre de Bell Bn es lo nombre de particions diferentas d'un ensemble finit de n elements. Lei premiers nombres de Bell son :

B0 = 1, B1 = 1, B2 = 2, B3 = 5, B4 = 15, B5 = 52, B6 = 203.

Vejatz tanben[modificar | modificar la font]