París Universitat Club
Lo París Universitat Club (PUC) — oficialament « París Universitat Club - Citat Internacionala Universitari de París » — es un club omnispòrts francés creat a París en 1906. Installat istoricament a l'Estadi Charléty, es uèi implantat dins autras installacions esportivas. Lo PUC compta mai de 9.500 licenciats despartits dins mai de 45 seccions esportivas diferentas. Es aderent de la Federacion francesa dels clubs omnispòrts.
Istoric
[modificar | Modificar lo còdi]Lo París Universitat Club, club esportiu amator omnispòrts, foguèt fondat lo 1èr de mai de 1906, al Cafè Voltaire, per una seissantena d'estudiants.
Nascut de la fusion entre l'Associacion Esportiva Amistosa dels Escolars de París e de l'Associacion Esportiva dels Estudiants de París, lo París Universitat Club s'es balhat per mission de prepausar la practica esportiva als estudiants de París a mendre còst.
Eugène Olivier, escrimaire e intèrn en medecina dins los espitals de París, venguèt lo primièr president del París Universitat Club, que comptava egalament 60 membres fondators.
Las colors istoricas del PUC, violet e blanc, foguèron tanlèu adoptadas pels membres fondators : simbolizan las colors universitàrias – lo blanc per la coneissença e la puretat, lo violet per la modestia e la creissença personala.
Louis Lebel, membre fondator del PUC, crèa lo primièr blason del club : un escudet violet parat de bendas blancas.
La violeta, simbòl incontestat del PUC, es apareguda en 1924 sus un blason d'onor. Simbolizant la discrecion, la modestia mas tanben l'amistat sincèra e fidèla, valors ô quant importantas pel club, la violeta s'es enrasigada e fa uèi partida integranta de nòstra identitat.