Palma (Malhòrca)

Un article de Wikipèdia, l'enciclopèdia liura.
Salta a la navegació Salta a la cerca
Pagina d'ajuda sus l'omonimia Pels articles omonims, vejatz palma (omonimia).
Vista de la ciutat de Palma de Malhòrca, dins las Illas Balearas.


La catedrala de Palma.

Palma (forma corta e oficiala, manlevada dirèctament al latin) o ciutat de Malhòrca (forma pus tradicionala) (en catalan Palma, ciutat de Mallorca o Ciutat) es una comuna e una vila, capitala de la Comunautat Autonòma de las Illas Balearas, dins los Païses Catalans (e en Espanha). Es tanben coneguda internacionalament coma Palma de Mallorca.Sa populacion foguèt estimada a 405 318 abitants, en 2011. La superficia totala de la comuna es de 213,55 km².

Etimologia[modificar | modificar la font]

Quand Quint Cecili Metèl lo Balearic, procònsol d'Hispania, fondèt la ciutat, la nomenèt Palma. Pendent lo periòde islamic, nomenèron l'illa Mayûrqa e la vila, Madina Mayurqa ('ciutat de Malhòrca'). Ambe'l rei Jacme Ièr se tradusiguèt lo sistèma de nominacion arabe, e Mallorca foguèt lo nom tant de la ciutat coma de l'illa; per las diferenciar òm s'acostumava a precedir Mallorca de las paraulas ciutat, illa o regne, segon l'intencion, çò que faguèt que del sègle XIII fins al XVIII, sempre las referéncias a Palma se formulavan ambe'l tèrme Mallorca o ciutat de Mallorca.

Ambe'l Decret de Nòva Planta (1715) se recuperèt oficialament lo nom roman (dejà ressuscitat per d'erudits e d'istorians del sègle XVII), que, tanben oficialament, al segle XIX, ambe la division provinciala de l'Espanha, se cambièt en Palma de Mallorca. Popularament, encara es coneguda coma Ciutat, pr'amor qu'èra la soleta vila de l'illa.