Pòst

Pòstes de fusta coma las emplegadas dins la construccion.

La pòst es una pèça de fusta plana e longa, fòrça mai longa qu'ampla e pus larga qu'espessa, de caras parallèlas, que s'utiliza en fustariá.

Se ne bastisson d'ostals de fusta, de sòls, de revestiments e de mòbles e s'utiliza coma supòrt per de nombrosas activitats. Son usatge coma laissa (per gardar de noiriduras, de libres...) s'origina dins l'abitat de l'ostal neolitic, que la pòst i èra lo luòc onte los pastres fasián secar lors formatges. La pòst de fusta flòta subre l'aiga; se ne bastisson de vaissèls; doncas es util per se desplaçar subre l'aiga coma, per exemple, las primièras pòstes de surf.