Ofici public de la lenga occitana

Un article de Wikipèdia, l'enciclopèdia liura.
Salta a la navegació Salta a la cerca
Ofici public de la lenga occitana
Regions Aquitània Lemosin Peitau e Charantas, Lengadòc Rosselhon Miègjorn Pirenèus
Creacion 23 de setembre de 2015[1]
Tipe Establiment public de cooperacion culturala
Tolosa
Lenga occitan, francés
Budget a l'entorn de 2 M€
Membres Estat francés, Regions Aquitània Lemosin Peitau e Charantas e Miègjorn-Pirenèus
Efectius 4
Presidenta Charline Claveau-Abbadie
Primièr vici-president Patric Rós
Segonda vici-presidenta Hélène Bernard
Site wèb http://www.midipyrenees.fr/Office-Public-de-la-Langue-Occitane-33216

L’Ofici public de la lenga occitana (OPLO, Office public de la langue occitane) es un establiment public de cooperacion culturala creat lo 23 de setembre de 2015[2],[3],[4].

Missions[modificar | modificar la font]

La tòca d’aquela estructura es d’assegurar, sul territòri que curbís, la salvagarda e lo desvolopament de la lenga occitana.

Segonda compausicion (2016)[modificar | modificar la font]

Après las fusions de regions e las eleccions regionalas, las regions signatàrias venon las doas regions grandas Aquitània Lemosin Peitau e Charantas e Lengadòc Rosselhon Miègjorn Pirenèus.[5]

Los representants son:

  • per l’Estat, Hélène Bernard, rectritz de l’Acadèmia de Tolosa e Laurent Roturier, director regional dels afars culturals de Tolosa
  • per la region Aquitània Lemosin Peitau e Charantas:
    • Charline Claveau Abbadie (PS, Pirenèus Atlantics), elegida presidenta lo 22 de març de 2016
    • Laurence Motoman (EELV, Lanas, nascuda au Mans)
    • Marc Oxibar (LR-CNPT, Pirenèus Atlantics)
  • per la region Lengadòc Rosselhon Miègjorn Pirenèus:
    • Nadia Bakiri (PS, Nauta Garona)
    • Patric Rós (PÒc, Aude), elegit vicepresident lo 22 de març de 2016
    • Dominique Salomon (MRG, Tarn e Garona)

L'eleccion del burèu se farà lo 22 de març de 2016.

Primièra compausicion (2015)[modificar | modificar la font]

Lo primièr conselh d’administracion s’acampèt lo 12 de novembre de 2015 a Tolosa[6] e nomenèt:

  • president, representant de la region d’Aquitània, Dàvid Grosclaude, conselhièr regional;
  • primièr vici-president, representant de la region Miègjorn-Pirenèus, Guilhèm Latrubesse, conselhièr regional;
  • segonda vici-presidenta, representanta de l’estat, Hélène Bernard, rectritz de l’Acadèmia de Tolosa.

Estève Cròs es recrutat coma director a partir del 1èr de genièr de 2016.

Referéncias[modificar | modificar la font]

  1. "Arrêté du 2 septembre 2015 portant délégation au préfet de la région Midi-Pyrénées du pouvoir d'approbation de la convention constitutive du groupement d'intérêt public « Office public de la langue occitane », de son renouvellement et de ses modifications", Journal officiel de la République française, n°0216 del 18 de setembre de 2015 sul sit Légifrance.
  2. "Office Public de la langue occitane", sit de la region Miègjorn-Pirenèus
  3. "Convencion constitutiva de l’OPLO"
  4. Arrestat prefectoral de creacion
  5. "L'Office Public de la Langue Occitane - Ofici Public de la Lenga Occitana - : un outil public pour l'occitan", sit de l’Acadèmia de Tolosa.
  6. "Installation officielle de l’Office public de la langue occitane par l’Etat, les Régions Aquitaine et Midi-Pyrénées"