Ofensiva de Pomerània Orientala
L'ofensiva de Pomerània Orientala foguèt una ofensiva de l'armada sovietica, sostenguda per d'unitats polonesas, que se debanèt dau 10 de febrier au 4 d'abriu de 1945 còntra lei posicions alemandas de Pomerània Orientala e de Prússia Occidentala. Après la revirada d'una premiera ataca (10-19 de febrier), lei Sovietics capitèron de rompre lo front alemanda lo 24 amb una segonda ofensiva. Lei posicions alemandas s'afondrèron alora e l'operacion permetèt a l'Armada Roja de conquistar Dantzig (15-28 de març) e de protegir lei flancs de l'ofensiva en preparacion còntra Berlin.