Niklas Dee

Niklas Dee, de son nom vertadièr Niklas Dichtl, es un discjòquei e compositor de musica electronica alemand. A per referéncia musicala l'EDM de las annadas 2000 coma la de Calvin Harris o d'Avicii.

Nascut en 2002 a Mainburg (Alemanha), Niklas Dee a viscut a Geisenfeld fins en 2016, annada a partir de la quala s'installa ambe sa familha a Niederlauterbach, un barri de Wolnzach, ciutat de Nauta-Bavièra.

En 2021, Niklas Dee es contactat per un labèl de musica après qu'un productor aja descobèrt sas composicions e sos adobaments sus YouTube, coma per exemple sa version de Hot Girl Bummer, una represa del cantaire american Blackbear, qu'i aviá obtengut de resson. Pasmens, en Occitània, es puslèu revelat fin 2023 debut 2024 ambe lo tròç I can feel (eissit d'una collaboracion ambe Vize, e Leony al cant).