Nicolau Cabasilas

Un article de Wikipèdia, l'enciclopèdia liura.
Salta a la navegació Salta a la cerca

Nicolau Cabasilas (1322 - 1391) foguèt un teologian e un escrivan bizantin dau sègle XIV. Es un sant de la Glèisa Ortodoxa.

Nascut a Tessalonica, èra lo nebòt de Nil Cabasilas que foguèt arquevesque de la vila de 1361 a 1363. Menèt d'estudis juridics a Tessalonica e a Constantinòple avans de rintrar dins sa ciutat natala. En 1345, durant la guèrra civila entre leis emperaires Joan V Paleòleg e Joan VI Cantacuzèn, dirigiguèt una ambaissada cargada de negociar la rediccion de Tessalonica auprès de Joan VI. Pasmens, a son retorn, se turtèt a una revòuta dei faccions popularas que chaplèron l'aristocracia. Deguèt s'enfugir a la Cort Joan VI e ne'n venguèt un conselhier pròche fins a son abdicacion en decembre de 1854.

Son òbra literària es principalament consacrada a d'estudis teologics (La Vida en Crist e Explicacion de la divina liturgia) qu'aguèron una influéncia importanta sus la pietat ortodoxa dins lo corrent dei sègles seguents. Foguèt tanben l'autor de plusors omelias. Pasmens, son trabalh se limitèt pas au domeni religiós car escriguèt pereu de tractats filosofics (Còntra Pyrrhon), juridics ò politics e s'interessèt au problema dei debitors roïnats.

Liames intèrnes[modificar | modificar la font]

Bibliografia[modificar | modificar la font]

Nòtas e referéncias[modificar | modificar la font]