Nicolae Ceauşescu

Nicolae Ceaușescu (Scornicești, Pitești, 1918 - Târgoviște, 1989) foguèt un òme politic romanés, President de Romania entre 1967 e 1989 e secretari general del Partit Comunista Romanés entre 1965 e 1989.

Après la mòrt de Gheorghe Gheorghiu-Dej, en 1965, accediguèt al cap del país en venent secretari general del Partit comunista romanés (PCR). Es elegit president de la Republica socialista de Romania per la Granda Amassada nacionala de Romania en 1974 (reelegit en 1980 e 1985) e desvolopa lo cult de la personalitat pròpri d'aquel regim totalitari, que ne serà lo darrièr dirigent e que la polícia politica nomenada Securitate ne forma l'armadura. S'autodecernís los títols de « Conducător », « gèni dels Carpats » e « Danubi de la pensada », e pratica lo nepotisme.

Le regim comunista més en plaça lo 6 de març de 1945, e que Ceaușescu ne foguèt l'ultim dirigent, s'afondrèt lo 22 de decembre de 1989, durant la Revolucion romanesa debutada a Timișoara. Tres jorns pus tard, lo 25 de decembre de 1989, Nicolae Ceaușescu e sa molher Elena son jutjats, condemnats e executats a l'eissida d'une procedura expeditiva semblabla a las que lo regim utilizava contre los opausants e dissidents.