Nakalipithecus
Nakalipithecus nakayamai
| Règne | Animalia |
|---|---|
| Embrancament | Chordata |
| Classa | Mammalia |
| Òrdre | Primates |
| Superfamilha | Hominoidea |
| Familha | Hominidae |
| Sosfamilha | Homininae |
Nakalipithecus
Kunimatsu et al., 2007
Nakalipithecus nakayamai
Kunimatsu et al., 2007
EX : Atudat
Nakalipithecus es un genre escantit d’ominids descrich dempuèi l’an 2007 e que demorèt en Africa de l’èst pendent lo Miocèn ara fa 10 milions d’ans.
Descobèrta[modificar | Modificar lo còdi]
Las rèstas fossilas de Nakalipithecus foguèron descobèrtas per una còla de cercaires japoneses en 2005, dins la region de Nakali, en Kenya, dins una colada de fanga provocada per una erupcion volcanica.
Sonque amb un tròç de maissa e onze dents isoladas foguèt descricha en l’an 2007[1] aquesta espècia[2] unica dins lo sieu genre, Nakalipithecus nakayamai. Lo nom nakayamai foguèt donat pr’amor qu’òm voliá aital onorar lo geològ Nakayamai, que tanben trebalhava al projècte, mas que moriguèt pendent lo sieu estudi.
Descripcion[modificar | Modificar lo còdi]
Las dents fossilas èran cobèrtas per un esmalt prigond, çò que vòl dire que foguèt un mamifèr que se noirissiá de fòrça vegetals durs, coma de noses o de granas[3]. Segon aquò, la mesura de l’espècia foguèt determinada coma la d’un ominid a mièg camin entre una gorilla femela e un orangotan[4].
Filogenia[modificar | Modificar lo còdi]
Segon los cercaires de l’Universitat de Tòquio, Nakalipithecus es plan pròche del darrièr ancessor comun dels gorillas, chimpanzés e umans. Per aquò pòt èsser considerat coma un membre basic dels ominids, abans que la sieuna sosfamilha se dessepare en tres linhas actualas. Nakalipithecus es tanben pròche del genre Oranopitèc, un autre ominid fossil descobèrt en Grècia.
Analisis[modificar | Modificar lo còdi]
Nakalipithecus es plan important pr’amor de doas rasons: amb Ouranopithecus, soslinha que las linhas ominidas actualas se serián desseparadas aperaquí ara fa 8 millions d'ans. A mai, ajuda la teoria que confirma que d’ancessors pròches dels ominids aurián tanben evolucionat en Africa. I a una autra teoria qu’afirma que los grands monards aurián desaparegut d’Africa e que los ominids d’origina asiatica aurián colonizat tornarmai Africa mai tard mas òm pòt pas confirmar aquò almens pendent lo periòde del Miocèn (çò es ara fa 10 milions d’annadas) se i a un ominid basic en Africa en aquela epòca.
Referéncias[modificar | Modificar lo còdi]
- ↑ (en) Yutaka Kunimatsu, Masato Nakatsukasa, Yoshihiro Sawada, Tetsuya Sakai, Masayuki Hyodo, Hironobu Hyodo, Tetsumaru Itaya, Hideo Nakaya, Haruo Saegusa, Arnaud Mazurier, Mototaka Saneyoshi, Hiroshi Tsujikawa, Ayumi Yamamoto et Emma Mbua, « A new Late Miocene great ape from Kenya and its implications for the origins of African great apes and humans », PNAS, vol. 104, no 49, 2007, p. 19220–19225 (DOI 10.1073/pnas.0706190104).
- ↑ « » [archive], sur http://www.hominides.com/ [archive], 13 novembre 2007.
- ↑ « » [archive], sur http://www.hominides.com/ [archive], 13 novembre 2007.
- ↑ (en) Jennifer Viegas, « Mama, is that you? Ape ancestor found » [archive], sur ABC Sciences [archive], 13 novembre 2007.