Vejatz lo contengut

NOFX

Un article de Wikipèdia, l'enciclopèdia liura.
NOFX sus l'empont (2007)

NOFX (prononciat [noʊεfεks]) es un grop de punk ròck anglofòn american originari de Los Angeles en Califòrnia (Estats Units). Es format en 1983 per Fat Mike, Erik Sandin e Eric Melvin.

A l'origina, Eric Melvin èra lo cantaire màger del grop, mas coma podiá pas tròp jogar e cantar a l'encòp, Fat Mike a prés lo relai coma cantaire. Pasmens, Eric Melvin canta sus d'unas cançons.

Enregistran Liberal Animation en 1988 ambe Brett Gurewitz de Bad Religion. L'annada d'après, lo grop sortís S&M Airlines (1989) e Ribbed en 1990. En 1991, NOFX patís de nombroses cambiaments, pasmens, los tres membres d'origina son amassas e El Hefe se junta al trio per formar un qüatuor. Pendent aquela meteissa annada, lo grop torna sortir l'album Liberal Animacion sus un labèl novèl.

Es en 1994, ambe la sortida de Punk in Drublic, que NOFX ven popular. Lo títol de l'album, mèscla de Drunk in Public (bandat en public) mòstra l'estat d'esperit de NOFX : actitud punk, musica rapida, tèxtes perspicaces e umor festiu.

Aqueste album Punk in Drublic sortís oportunament dins lo periòde del reviscòl del vam punk ròck del mièg de las annadas 1990 als Estats Units ambe las capitadas espectacularas de l'album Smash de Offspring e de l'album Dookie de Green Day. NOFX es alavetz remarcat en beneficiant de l'interès portat a n'aquel moment sus aquela jove e novèla scèna punk ròck americana, californiana en particular, çò que lor permetrà aital de ganhar una reputacion mondiala.[1]

Discografia[modificar | Modificar lo còdi]

  • 1988 : Liberal Animation
  • 1989 : S&M Airlines
  • 1991 : Ribbed
  • 1992 : White Trash, Two Heebs and a Bean
  • 1994 : Punk in Drublic
  • 1996 : Heavy Petting Zoo
  • 1997 : So Long and Thanks for All the Shoes
  • 2000 : Pump Up the Valuum
  • 2003 : War on Errorism
  • 2006 : Wolves in Wolves' Clothing
  • 2009 : Coaster
  • 2012 : Self Entitled
  • 2016 : First Ditch Effort
  • 2021 : Single Album
  • 2022 : Double Album

Cançons mai conegudas[modificar | Modificar lo còdi]

  • Stickin in my eye (1992)
  • Bob (1992)
  • Linoleum (1994)
  • Don't call me white (1994)
  • Leave it alone (1995)

Referéncias[modificar | Modificar lo còdi]

  1. https://www.metalorgie.com/groupe/NOFX