Muralha aureliana

Un article de Wikipèdia, l'enciclopèdia liura.
Salta a la navegació Salta a la cerca
Una seccion de la muralha aureliana, entre la pòrta adreatina e la pòrta de San Sebastiano.

La muralha aureliana es una encenta fortificada antica qu'enròda la vila de Roma en Itàlia, bastida entre 271 e 282, pendent lo règne dels emperaires Aurelian e Pròbe. La muralha remplacèt la de Servi bastida al sègle IV abans JC.

Los murs enclausan las Sèt Còlas de Roma, lo Camp de Mart e, en riba dreita de Tibre, lo quartièr de Trastevere. Sembla que las ribas de Tibre situadas al dintre dels limits de la vila son estada daissada sens fortificacions, mentre que son estada fortificadas long del Camp de Mart. La superfícia totala enclausa es de 1400 ectaras.[1]

Aquela proteccion empachèt pas mai d'un sacatges de Roma durant lo sègle Ven e foguèt mesa a contribucion pendent los afrontaments entre los ostrogòts e lo general Belisari durant lo sètge de 537 al sègle VIen. En revenge, aparèt eficaçament Roma contra las atacas dels sarrasins de la Nauta Edat Mejana.

La pus granda part de la muralha aureliana demòra encara uèi, e constituís lo limit administratiu del Municipio Roma I, batejat Centro Storico, dins loqual se trapan 20 dels 22 rioni (quartièrs istorics).

  1. (en) Dr Jan Gadeyne e Professor Gregory Smith, Perspectives on Public Space in Rome, from Antiquity to the Present Day, (ISBN 9781472404275, legir en linha)