Camp de Mart (Roma)

Un article de Wikipèdia, l'enciclopèdia liura.
Salta a la navegació Salta a la cerca
Pagina d'ajuda sus l'omonimia Pels articles omonims, vejatz Camp de Mart.

Lo Camp de Mart (en latin, : Campus Martius, en italian : Campo Marzio) èra a Roma una planura que se situava d'en primièr fòra dels barris, e ont Romul aviá consacrat un temple a Mart; al nòrd oèst de la vila, e sus la riba esquèrra del Tibre.

Istòria[modificar | modificar la font]

Vèrs 300 ApC

Lo Champ de Mart es la planura inondabla situada entre la muralha serviana de Roma e la vòlta de Tibre. Espaci utilisable per amassar lo pòble roman en armas e far d'exercisis militar, èra utilizat tanben per d'autres usatges civils: s'i tenián las assembladas del pòble, e s'i elegissián los magistrats pendent de comicis.

Dins los darrièrs temps de la Republica, foguèron bastits a l'entorn del Camp de Mart de portics, d'arcs de trionf e de monuments publics magnifics, coma lo teatre e la Curia de Pompèu. Foguèt sul Camp de Mart que las cendres de Juli Cesar foguèron versadas per d'esclaus après qu'èra estat assassinat davant las pòrtes del senat, abans una sesilha.

Jos l'Empèri, lo Camp de Mart se cobrís pauc a pauc de bastiments publics jos l'iniciativa d'August e dels successors: coma los tèrmes d'Agrippa, lo portic d'Octavia, lo teatre de Marcèl, puèi l'estadi de Domician (que venguèt la Piazza Navona) e lo Panteon.

Lo Camp de Mart de l'Antiquitat fin ara[modificar | modificar la font]

Al contrari dels autres quartièrs de la Roma antica, lo Camp de Mart foguèt pas abandonat a l'Edat Mejana. Lo traçat dels axes de las carrièras anticas demorèt, coma quel de la Via Flaminia, que veniá la via Lata en vila, e correspond a l'actuala via del Corso.

Campo Marzio es ara un des 22 rioni de la vila de Roma. Es designat dins la nomenclatura administrativa pel còdi R.IV.

Endacòm mai[modificar | modificar la font]

Per imitacion, foguèt donat, a París, lo nom de Camp de Mart un grand espaci situat entre l'Escòla militara e la Torre Eiffel.

Vejatz tanben[modificar | modificar la font]

Ligams extèrnes[modificar | modificar la font]