Morganucodon

Un article de Wikipèdia, l'enciclopèdia liura.
Salta a la navegació Salta a la cerca
Morganucodon ei, sens dobte, un des mamifèrs mès ancians pr'amor que demorèc pendent eth triassic, ua epóca ena quau començaven a demorar es prumèrs dinosaures.

Morganucodon ère un petit tetrapod classat coma un mamifèr preïstoric e conegut per un fossil trapat en estrats deth triassic superior d'Euròpa e Asia.

Ua taupa demest dinosaures[modificar | modificar la font]

Aguest petit animal, damb es mesures d'ua taupa o boha dometjaua, ei considerat coma un des mamifèrs mès ancians que jamès an demorat ena Tèrra. Er hèt ei que demest es mamaliformes deth triassic e deth jurassic, morganucodon ei un des mès coneguts gràcies as rèstes classades laguens era espècia Morganucodon oehleri e trapats en estrats deth triassic superior en eth Pais de Galas.

Aguestes despulhes includissen ua esqueleta plan ben conservada e tanben un cran es maishères e dents deth quau an podut confermar qu'aguest petit animal seguesse classat coma un mamifèr. Eth morganucodont ère probablaments un animal de costumes nocturnes que minjava insectes e d'autes invertebradi.

Etimologia[modificar | modificar la font]

En grec eth sòn nom vò díder "Era dent de Morgan" mès ei mès segur díder qu'eth nom Morganucodon vie dera latinizacion de Morgannwg, un nom galés deth comtat de Glamorgan, on siguec trapat per prumèr còp per Walter Georg K¨hne. Atau que vò díder "era dent dent de Glamorgan".