Mordechai Schlein
Mordechai Schlein (1930 - 1944), chafrat Motele, que ho un violonista e resistent judiu.
Après que'us sons pairs e la soa sòr e horen aucits peus alemands, estujat, que 's la podè virar entà huéjer entau bòsc on e juntè a la resistència judiva gavidada per Moshe Gildenman (chafrat Oncle Misha).
La soa mission alavètz, qu'èra de jogar de vriulon en Ucraïna entà amassar informacion e, subretalentuós, que ho logat peus militars alemands entà jogar per eths dens lo lor restaurant cada dia. Atau que comencè per amassar un sarròt d'informacion sensiblas e utilas.
Mes sustot, fin finala, que descobrí, dehens las parets, hernerclas on e podore chic a chic hicar explosius en bèth escóner lo son vriulon e atau poder plear l'estug, alavètz vueit, dab cargas.
Un dia qu'un tropa de SS pleava lo restaurant que decidí de trucar, qu'aluquè los explosius, que he un salut nazi en tot s'en anant e quan s'estava au quauques mètres que's se'us he petar uns 200 dab ua pensada entaus sons tanhents.
Que morí durant un bombardament.
Gildeman que conservè lo son vriulon qui's he seguir entà Berlin, París puish Israèl après la gèrra.
Fin finala, aqueste, que hore restaurat peu laütièr Amnon Weinstein e que demora dehens lo memoriau Yad va-Shem.
Hont[modificar | Modificar lo còdi]
- James A. Grymes. Violins of hope.